尋日介紹山頂第一代凌宵閣，講過唔少人叫佢做「老襯亭」，今日就介紹下真正嘅老襯亭。响上世紀20年代初，第一代老襯亭就响山頂出現，後嚟响香港淪陷期間被爆毁。到咗1955年，第一代老襯亭就重新出現，呢個觀景亭漸漸成為咗香港人去睇風景嘅地方。至於點解叫老襯亭呢？有一個講法就話啲人山長水遠上山頂睇風景，係笨人所為，就形容呢個地方搵老襯，所以就叫老襯亭喇！